દુખ મા જોતરાવા નું મને નહી ફાવે.
તારી રીતે જીવવા નું મને નહી ફાવે.
છે જીવન માં દુખ પારાવાર પણ ,
સાચુ ક્હું તો રડવા નુ મને નહી ફાવે.
આ રીતે તો જાત ને છેતરી શકો,
કહી દો સ્વપ્ન જોવાનું મને નહી ફાવે.
માપ ટુંકુ પડી જશે મને માપવા જતા,
આ એકમ માં માપવાનું મને નહી ફાવે.
કદર કોણી થઇ તો માંગી રહ્યો છે તું?
ભિખારી છું આપવા નું મને નહી ફાવે.
શક્ય છે ક્યારેક વિરાટ પણ બની શકુ.
એ ત્રણ ડગલા માપવાનું મને નહી ફાવે.
શાણપણ છે ભૂત કાળને ભૂલી જવામાં,
તો વર્તમાન માં જીવવાનું મને નહી ફાવે.
No comments:
Post a Comment